Organisasjon og leiing

Kvifor studere organisasjon og leiing?

Du får spisskompetanse i organisasjon og leiing spesialisert til helse- og velferdssektoren eller utdanningssektoren. Du vel retning ut frå din utdanningsbakgrunn. Gjennom studiet tileignar du deg både generelle og sektorspesifikke kunnskapar som gjer deg kvalifisert til leiarstillingar innan offentleg forvaltning.

I studiet lærer du:

• å forstå skiftande og komplekse utfordringar slik dei framstår i gjennomorganiserte samfunn
• korleis internasjonale og nasjonale, politiske føringar påverkar helse- og velferdsinstitusjonar
• korleis endringar i offentleg sektor blir sett i verk gjennom reformer, og korleis dette skapar særskilde kontekstar for utøving av leiing
• å bruke vitskaplege metodar på bruksretta problemstillingar innan sektoren

I masteroppgåva di tar du utgangspunkt i ei problemstilling knytt til eit arbeidsområde du har erfaring med. Du får individuell rettleiing i arbeidet med oppgåva.

Utdanninga veksler studiestad annakvart år. I 2024 kan du studere i Bergen. I 2025 vil det vere opptak i Haugesund og Førde. 

Korleis er undervisninga?

Vi har forelesingar, casedrøftingar, øvingar, prosjektseminar og skriftlege oppgåver.

Studiet er samlingsbasert, med rundt fem samlingar á to dagar i kvart semester.

Utveksling

Som student kan du reise på utveksling, viss du ønskjer det.