Varsling av alvorlege hendingar

Har du opplevd kritikkverdige tilhøve som du vil varsle om?

Varsling er å seie ifrå om brot på:

Lov og regelverk
Etiske normar
Alvorlege tilhøve som kan skade høgskulen eller samfunnet

Vi ønskjer til dømes at du seier ifrå dersom du oppdagar:

Mobbing og trakassering
Miljøkriminalitet
Økonomiske tilhøve som korrupsjon eller økonomisk utruskap
Brot på profesjons- og forskingsetiske retningsliner
Tilhøve som kan representere ein fare for liv og helse
Verksemd som kan skade eigedom eller infrastruktur

Det vil alltid være ulike meiningar om avgjerder som blir tekne enten det handlar om budsjettfordeling, tilsettingar, faglege prioriteringar eller vedtak med heimel i lov og regelverk. Å gi uttrykk for slik ueinigheit blir ikkje rekna som varsling.

Send varselet ditt til varsling@hvl.no

Du kan varsle skriftleg eller munnleg til leiinga ved instituttet/faget/eininga du høyrer til, eller direkte til høgskuleleiinga. Du kan også sende en e-post til varsling@hvl.no.

Varselet bør innehalde ein presis omtale av saka, og inkludere:

Fullt namn
Tidsrom, eventuelt dato og klokkeslett for hendinga/observasjonen
Kva som har hendt
Stad for hendinga/observasjonen
Andre vitne
Eventuell kjennskap til tidlegare saker

Når høgskulen mottar eit varsel eller ei bekymringsmelding, blir den tatt hand om av ansvarleg leiar.

HVL tek kontakt med deg/dykk som har varsla for å få utdjupa kva som har skjedd. Høgskulen tek også kontakt med den eller dei som evt er skulda for det som har skjedd, for å høyre deira versjon.

Høgskulen kan reagere overfor tilsette og studentar skulen meiner har brote regelverk eller opptredd på ein ikkje akseptabel måte. Det er universitets- og høgskuleloven og statsansatteloven (for tilsette) som set rammer for kva reaksjonen kan bli.

Negative konsekvensar overfor ein student som varslar er ikkje lov.

Varslingsakar er meir alvorlege og omfattande enn Sei ifrå-meldingar.

Medan varslingssakar handlar om brot på lovverk, regelverk og etiske normer, skal Sei ifrå-meldingar gi HVL tilbakemelding om forhold ved studiekvardagen eller studiestaden som er bra eller som kan bli betre.

Er du i tvil om du skal seie ifrå eller varsle, kan du ta kontakt med studentombodet eller studentrådgivinga for rettleiing.

Alle tilsette og studentar kan melde inn saker til sei ifrå-systemet. Meldinga di vil bli behandla konfidensielt. Som student kan du melde enten med namn og få beskjed når saka er behandla (innan to veker), eller du kan velje å melde inn anonymt. Du vil då ikkje få tilbakemelding, men kan sjå korleis typen saker har blitt behandla i rapporteringa som skjer til Læringsmiljøutvalet kvart halvår.

Om du er i tvil om du skal varsle, eller ønskjer å prate med nokon om dine opplevingar, kan du ta kontakt med studentombodet eller studentrådgivinga.

Om hendinga er straffbar, vil du kunne bli oppmoda til å melde forholdet til politiet.

Ver merksam på at det kan vere straffbart å rette skuldingar mot nokon på falskt grunnlag.

Endra 25.07.23