Samskaping for eit berekraftig Sogn

Målgruppa for emnet er tilsette i private og offentlege verksemder og frivillige organisasjonar som ynskjer å ta emnet som vidareutdanningskurs samt studentar ved alle fakultet som går siste år i ei bachelorutdanning eller i ei masterutdanning,

Gjennom emnet skal studentane arbeide saman for å finne løysingar på reelle problemstillingar meldt inn frå næringsliv, kommunar og frivillige organisasjonar.

Problemstillingane skal ha fokus på berekraftig regional utvikling spesielt innan tema som miljø, folkehelse, oppvekst og digitalisering.

Emnet vil ta i bruk metodiske tilnærmingar som fremmar innovasjon og medverknad av borgarar.

Jobbar du i ei bedrift, ein offentleg instans eller i ein frivillig organisasjon og har ei problemstilling du ønskjer å få belyst, ei utgreiing, eller oppgåver som studentar kan løyse?

I dette prosjektet skal vi utvikle ein digital møteplass som gjer det enklare å kople ulike aktørar til studentar og fagtilsette frå alle fagmiljøa ved Høgskulen på Vestlandet

På den digitale møteplassen kan ulike aktørar melde inn aktuelle problemstillingar som dei ønskjer å sette søkelys på, moglege praksisplassar og studentjobbar.

Både studentar og faglærarar ved Høgskulen på Vestlandet kan nytte møteplassen til å finne relevante problemstillingar for studentoppgåver, prosjektoppgåver, forskingsprosjekt og praksisplassar.